د شهیدانو او معلولینو چارو وزارت د روژې مبارکې میاشتې په ترڅ کې د اړمنو کسانو د ملاتړ په موخه د قمر خیریه بنسټ سره هوکړه لیک لاسلیک کړ
د شهیدانو او معلولینو چارو وزارت یتیمانو، کونډو مېرمنو او معلولیت لرونکو وګړو ته د مرستو برابرولو په موخه د قمر خیریه بنسټ سره د پنځه لکه او لس زره (۵۱۰۰۰۰) افغانیو په مجموعي ارزښت د همکارۍ هوکړه لیک لاسلیک کړ.
یاد هوکړه لیک د دې وزارت د بهرنيو اړیکو او پلان رئیس محترم ملا صدوخان حق شناس او د قمر خیریه بنسټ عملیاتي مدیر محترم ریاض احمد صافي ترمنځ لاسلیک شو، له مخې به یې د کابل او کنړ ولایتونو اړوند (۱۵۰) تنو یتیمانو، کونډو او معلولینو لپاره اووه (۷) ډوله بېلابېل خوراکي مواد چمتو او ووېشل شي، د یادې پروژې پلي کول به د کابل او کنړ ولایتونو د شهیدانو او معلولینو چارو ریاستونو په بشپړې همغږۍ به ترسره شي.
د یادونې وړ ده چې د قمر خیریه بنسټ تر دې وړاندې هم د شهیدانو او معلولینو چارو وزارت سره په همغږۍ د هېواد په مختلفو ولایتونو کې یتیمانو، کونډو او معلولینو باندې نغدي مرستې او خوراکي توکي وېشلي دي.
