د بلخ محترم والي صاحب د اختر په دوهمه د بلخ ولایت د شهیدانو او یتیمانو د کورنیو او اقرباوؤ حال له نژدې واخیست
د هیواد اتلو او قهرمانو مجاهدینو د خپلو وینو او قربانیو په بدل کي افغانستان له شل کلن اشغال څخه خلاص او د دې هیواد ولس یې له غلامۍ څخه وژغورۍ، بلخ محترم والي الحاج محمدیوسف وفا صاحب د اختر په دوهمه ورځ د هغو شهیدانو له کورنیو سره وکتل، چي په دې پاکه او مقدسه لار کي یې خپل پلرونه، وروڼه، زامن، اکاګان او یا هم د کورنۍ نور غړي له لاسه ورکړي وه، چي په دې لیدنه کي د بلخ ولایت امنیه قومندان الحاج ملاعبدالرازق راشد صاحب، د بلخ ولایت د استخباراتو رئیس صاحب، د بلخ ولایت د شهیدانو او معلولینو چارو رئیس مولوي جان محمد حکمت صاحب او یوشمېر نورو مسؤلینو حضور درلود.
د بلخ محترم والي صاحب لومړی دا ډېر د ویاړ ځای یاد کړ، چي نن ورځ یو ازاد او خپلواک افغانستان لرو، دا د هغو شهیدانو د قربانیو نتیجه ده، چي د جهاد پر مهال یې په هر ډول سختو حالاتو کي د وطن د دوښمنانو پر وړاندي مبارزه کول او یوازي د الله د رضاء او د دې ولس د خپلواکۍ لپاره جنګېدل، دا بریا یوه داسي بریا وه، چي ټولۍ نړۍ ته یې دا وښوده، ترڅو اشغال سوي هیوادونه ټول خپلواک وي، دا ستاسو د کورنیو د شهیدانو برکت وو او دا د شکر ځای دی نن ورځ د زیاتو قربانیو وروسته یو اسلامي، سوچه او شرعي نظام لرو، د ټولو تلونکو شهیدانو هغه ارمان نن ورځ پوره سوی، چي غوښتل یې د ازاد هیواد لپاره ځانونه قرباني کړي، الحمدالله اسلامي نظام باندي یو داسي مشر شتون لري، چي د شهیدانو بچیانو او کورنیو لپاره پوره توجه لري او هر ډول غوښتني او ارمانونه یې ورته پوره کوي.
وروسته د شهیدانو یادو کورنیو یوشمېر استازو په نوبتي ډول خبري وکړې او په بلخ ولایت کي یې د محترم والي صاحب کړني او خدمات وستایل او دا یې د ویاړ خبره یاده کړه، چي شهید سوي خپلوان، زامن او پلورونه یې ددې یوه ازاد او خپلواک افغانستان لپاره قرباني سول او نن ورځ د هغوی د شهیدانو په سترو قربانیو هیواد ازادي خپله کړې ده او ټول د یوه امیرالمؤمنین شیخ صاحب حفظه الله تر قیادت لاندي ژوند کوو، دوی د خپلو خبرو په ورستیو کي زیاته کړه، چي په هر حالت کي به د اسلامي امارت تر شاه ولاړ وي او ملاتړ به یې کوي.
د ناستي په ورستیو کي ټول شهیدانو ته د مغفرت دُعاوي وسوې.
