په تخار ولایت کې پر (۵۰) کورنيو باندې سولرونه ووېشل شول
د تخار ولایت د شهيدانو او معلولينو چارو رياست د اچ، اچ، آر، ډي نړېوالې مؤسسې سره په همغږۍ د شهیدانو او معلولینو (۵۰) کورنيو سره د لمرېزې برېښنا د تولید په موخه د سولرونو مرسته ترسره کړه، په دې ترتیب هرې کورنۍ ته دوه سولرونه، سولري پکې او نور اړوند وسایل په واک کې ورکړل شول.
د مرستو د وېش پر مهال د تخار ولایت د شهیدانو او معلولینو چارو رئیس محترم مولوي عبدالغفار غفوري د یادې مؤسسې له مسؤلینو څخه د مننې ترڅنګ، په راتلونکي کې هم په نورو برخو کې د مرستو غوښتنه وکړه.
