د شهیدانو او معلولینو چارو وزارت یو شمېر یتیمانو ته د خوراکي خوندیتوب د رامنځته کولو په موخه د همدرد خیریه مؤسسې سره هوکړه لیک لاسلیک کړ
د دې هوکړه لیک له مخې به، په کندهار ولایت کې (۸۲۵) تنو مستحقو یتیمانو ته د (۳۳) زره او (۵۰۰) امریکایي ډالرو په ارزښت خوراکي توکي او همداراز د اختر لپاره جامې او نور وسایل چمتو او ووېشل شي.
د همکارۍ دغه هوکړه لیک د دې وزارت د بهرنيو اړیکو او پلان رئیس محترم ملا صدوخان حق شناس او د همدرد خیریه مؤسسې رئیس محترم مختار احمد کاکړ ترمنځ لاسلیک شو، چې د کندهار ولایت د شهیدانو او معلولینو چارو ریاست سره په همغږۍ به پلي شي.
