د تخار ولايت د شهيدانو او معلولينو چارو رياست د مالي او اداري چارو نوی عمومي مدیر کارکوونکو ته معرفي او په کار یې پېل وکړ
په هغه غونډه کې چې د تخار ولايت د شهيدانو او معلولينو چارو رئيس محترم مولوي عبدالغفور غفوري په مشرۍ جوړه شوې وه، د یاد ریاست اړوند کارکوونکو ګډون کړی وو.
په دې غونډه کې محترم مولوي عبدالغفور غفوري د ياد رياست د مخکیني مدير د رښتیني خدمتونو او صادقانه هلو ځلو څخه د مننې ترڅنګ، د شهیدانو او معلولینو چارو رياست لپاره یې نوی د مالي او اداري چارو عمومي مدیر کارکوونکو ته معرفي او نوموړي ته یې د چارو په ترسره کولو کې د بریالیتوب هيله څرګنده کړه.
په ورته وخت کې د مالي او اداري چارو لپاره نوي ګمارل شوي مدیر هم ژمنه وکړه چې خپل ورسپارل شوي مسؤلیتونه به، په ښه توګه ترسره، د غوره او معیاري خدمتونو وړاندي کولو په برخه کې به پوره هلې ځلې وکړي.
