د شهیدانو او معلولینو د چارو وزارت د مشرتابه شورا غوڼده ترسره شوه

شنبه د ۱۴۰۰ لمریز کال د چنګاښ ۱۲ مه نېټه

د شهیدانو او معلولینو د چارو وزارت د مشرتابه شورا غونډه د ښاغلې پوهنمل حمیدالله فاروقی (د شهیدانو او معلولینو د چارو وزرات سرپرست او نامزد وزیر) په مشرۍ ترسره شوه.

دغه غونډه، د شهیدانو اومعلولینو د ورثې سندونو د څرنګوالو د معلومولو لپاره همدارنګه  په ولایتونو کې د دوی د حقونو له ورکولو څخه څارنه، د استخدام پروسې د پرمختګ څرنګوالی او د نظارتي راپورونو په هکله چې باید له یو ادرس (One Stop Shop) څخه وي، خبرې وشوې.

ښاغلی پوهنمل حمیدالله فاروقې د شهیدانو او معلولینو چارو وزارت سرپرست، د نظارت او ارزونې هیئت د راپورونو له اورېدلو څخه وروسته د شهیدانو او معلولینو د ورثې د سندونو پر بررسي او همداراز د موجودو ستونزو پر حل باندې ټینګار وکړ.

همداراز د شهیدانو او معلولینو چارو د وزارت سرپرست وویل: هغه ستونزې چې  د شهیدانو او د معلولیت لرونکو وګړو ورثې د حقونو د ورکولو په برخه کې شتون لري، د دوی د سندونو له بررسي او تطبیق څخه وروسته به هوارې شې. کېدای شي په دغه ډله کې د هغو شهیدانو او معلولیت لرونکو وګړو سندونه هم شامل وي، چې له  ۱۳۵۷ څخه وروسته تر ۱۳۹۹ لمریز پورې وي.

دغه لارښوود، د حقونو د ورکولو د موجودو ستونزو د حل لپاره، د شهیدانو او معلولینو د وزارت په واسطه د  شهیدانو او معلولیت لرونکو وګړو د ورثې د سندونو د څېړنې او ارزونې د کمېټې په همغږیو سره د ولسمشرۍ عالي مقام له حکم سره توظیف، ترتیب او د لاسلیک لپاره د سترې محکمې عالي مقام ته ور ولېږدول شو.

په دغه غونډه کې، د حقونو د ورکولو څرنګوالی، معلولیت لرونکو وګړو ته همدا راز شهیدانو وارثینوته په ځانګړي توګه د نظامیانوپه برخه کې د قناعت وړ و او اړوندو برخوته هدایتونه ورکړل شول چې د کال د نمیايي غونډو په بررسیو کې باید اړتیاوې او کموالۍ تر نظر لاندې ونیول شي.  

په همدې ترتیب، په دغه غونډه کې د مرکز او ولایتونو د تشکیلاتو د اړتیاوې په هکله هم خبرې وشوې او بشري منابعو ته هدایت ورکړل شو چې په مرکزي برخو کې د کارکوونکو د کموالو او په ولایتونو کې د آمریتونو د کموالو په برخه کې پاملرنه وکړي او د ضرورت پر اساس کارکوونکي وګوماري. 

په دغه غونډه کې، د شهیدانو او معلولینو سرپرست، د ارزونې او نظارت هیئت د راپورونو تر اورېدلو وروسته وویل: د دې راپورونو پر بنسټ د یو آدرس مرکز( one stop shop  ) د خدمتونو د رسولو په برخه کې تر اوسه هم ستونزې موجودې دي او باید د حل لپاره یې عملي ګامونه پورته شي.

ښاغلی فاروقي د دې مرکز د فعالیتونو او موخو د مطالعې لپاره، یوه کمېټې ته دنده ور وسپارله چې هم د دې مرکز له خدمتونو څخه او هم د شهیدانو او معلولینو د پروسیجرونو( قدمه ها) سندونه تر مطالعې لاندې ونیسي بیا تر مطالعې او ارزونې وروسته خپل ځانګړي وړاندیزونه د پروسې د لنډولو او آسانولو لپاره په راتلونکي ناسته کې وړاندې کړي.