څلور سوه (۴۰۰) تنو مستحقو کسانو په سمنګان ولايت کې خوراکي توکي ترلاسه کړل
په یادو مرستو کې چې اوړه، وریجې، غوړي او شپږ (۶) ډوله نور خوراکي مواد شامل وو، د سمنګان ولايت د شهيدانو او معلولينو چارو رياست د کار علمي او ښوونیزې خیریه مؤسسې سره په همغږۍ د یاد ولایت پر (۴۰۰) تنو مستحقو یتیمانو، کونډو مېرمنو او معلولینو باندې په عادلانه ډول ووېشل.
د مرستو وېش، د سمنګان ولایت د شهیدانو او معلولینو چارو رئیس محترم مولوي قیام الدین خالد، د اقتصاد او استخباراتو ریاستونو استازو او د یادې مؤسسې مسؤلینو تر نظارت لاندې ترسره شو.
محترم قاري قيام الدین خالد د یادې مؤسسې له مرستو څخه د مننې ترڅنګ وویل: د ټولنې د اړمن قشر لاسنیوی او ملاتړ یو غوره فرهنګ دی او یتیمانو، کونډو مېرمنو او معلولینو ته یې لا زیاتو مرستو پر برابرولو ټینګار وکړ.
