ځوانان د هېواد د سترو ګټو په تامین کې رغنده رول لري
ځوانان د هېواد د سترو ګټو په تامین کې رغنده رول لري!
د شهیدانو او معلولینو په چارو کې ددولت وزیر ښاغلي لعل الدین آریوبي د غازي امان الله خان د غونډو په تالار کې، د پکتیا ولایت له یو شمیر نخبه ځوانانو سره وکتل.
ښاغلي لعل الدین آریوبي ځوانانو ته ولسي انسجام، د ځوانانو سیاسي مشارکت، د شهیدانو کورنیو او معلولیت لرونکو وګړو لپاره اسانتیاوې او د حکومت پر سترو اقتصادي پروژو خبرې وکړې او د راتلونکو برنامو پر عمومیاتو یې مختصره رڼا واچوله. ښاغلي آریوبي د ځوانانو له راتګ څخه مننه وکړه او دوی یې د نظام د بهبود په چارو کې زیات کار او نه ستړی کیدونکو هڅو ته راوبلل.
راغلو ځوانانو، ښاغلي آریوبي ته د هېواد د سترو ګټو د تامین په موخه د هر راز همکارۍ او ملاتړ ډاډ ورکړ.
