په هرات ولایت کې له یو شمېر مستحقو کورنېو سره مرستې ترسره شوې
د هرات ولایت د شهیدانو او معلولینو چارو ریاست د یتیمانو، کونډو او معلولینو د لاسنیوي او د هغوی څخه د ملاتړ په موخه په دې ولایت کې د احساس خیریه بنسټ سره په همغږۍ په اتیا(۸۰) مستحقو کورنېو باندې د خوراکي توکو مرستې چې په هغه کې وریجې، لوبیا او غوړي شامل وو، ووېشلې.
د مرستو د وېش پر مهال د شهیدانو او معلولینو چارو رئیس محترم مولوي علاءالدين سعد د احساس خیریه مؤسسې له مرستو مننه وکړه او له مسؤلینو یې وغوښتل چې پاتې نورو یتیمانو، کونډو او معلولینو سره هم ورته مرستې ترسره کړي تر څو په ښه توګه د هغوی لاسنیوی او ملاتړ وشي.
