په لوګر ولایت کې (۹۰) تنو مستحقو کسانو مرستې ترلاسه کړې
د لوګر ولايت د شهيدانو او معلولينو چارو رياست د احساس خیریه مؤسسې سره په همغږۍ د یاد ولایت اړوند پر (۹۰) تنو مستحقو یتیمانو باندې نغدي مرستې ووېشلې چې هر مستحق یتیم ته لس زره (۱۰۰۰۰) افغانۍ ورکړل شوې.
د مرستو د وېش پر مهال د لوګر ولايت د شهيدانو او معلولينو چارو رئيس محترم مولوي نیازمحمد هجرت او د مؤسسې مسؤلينو حضور درلود.
همداراز د لوګر ولایت د شهیدانو او معلولینو چارو په رياست کې د احساس خیریه مؤسسې له مسؤلینو سره یتیمانو، کونډو او معلولینو ته د لازياتو مرستو د برابرولو په موخه غونډه هم ترسره شوه.
