په لغمان ولایت کې پر (۵۰۰) تنو مستحقو یتیمانو باندې خوراکي توکي وویشل شول
په لغمان ولایت کې د (HHRD) خیریه مؤسسې له لوري او د یاد ولایت د شهيدانو او معلولینو چارو رياست په همغږۍ پر (۵۰۰) تنو مستحقو یتیمانو باندې خوراکي توکي چې په هغه کې اوړه، وريجې، لوبیا، غوړي، مالګه او بوره شامل وو، ووېشل شول.
د یادو مرستو د وېش پر مهال د لغمان ولایت د شهيدانو او معلولینو چارو رئيس محترم الحاج فیض الله جواد د يادې خیریه مؤسسې له مرستو څخه مننه وکړه او یتیمانو ته یې ډاډ ورکړ چې د دوی لپاره به لا زیاتې مرستې راجلب کړي.
