په سلګونو مستحقو کسانو باندې په کنړ ولايت کې د ژمنیو مرستو وېش
د کنړ ولایت د شهیدانو او معلولینو چارو رياست د شهیدانو کورنیو او معلوليت لرونکو وګړو د لاسنيوي په موخه، د يوې خيريه مؤسسې په مالي ملاتړ پر (۴۰۰) تنو مستحقو یتیمانو، کونډو او معلولینو باندې ژمنۍ مرستې ووېشلې، چې په یادو مرستو کې ژمنۍ البسه او کمپلې شاملې وې.
د کنړ ولایت د شهیدانو او معلولینو چارو رئیس محترم مفتي عبید الله حقاني د وزارت له رهبرۍ څخه یتیمانو، کونډو او معلولینو ته د ځانګړې پاملرنې له امله او همداراز د خیریه مؤسسې له مرستو یې مننه او قدرداني وکړه
