په سرپل ولایت کې د شهیدانو او معلولینو چارو وزارت اړوند ریاست د ځینو بستونو لپاره په آنلاین بڼه ازموینه واخیستل شوه
کار اهل کار ته د سپارلو په موخه د شهیدانو او معلولینو چارو وزارت د بشري سرچینو ریاست له لوري په سرپل ولایت کې د دریو خالي بستونو لپاره په آنلاین بڼه ازموینه واخیستل شوه.
له ګډونوالو څخه د ازموینې اخیستو پر مهال د بشري سرچینو رئيس محترم مولوي محمد موسى صديقي، د دعوت او ارشاد رئيس محترم مفتي عبدالاحد مسعود، د استخدام آمر محترم الحاج محمد انور سخي زاده، د کارکوونکو د سوانحو او ارزونې آمر محترم کریم الله فاروقي، د ادارې د انکشاف او ظرفیت لوړونې آمر محترم عزیز احمد احمدي حضور درلود.
د یادولو وړ دې چې د یاد ریاست اړوند څلورم او پنځم بستونو (د مالي او اداري چارو عمومي مدیریت، د شهیدانو ورثه ؤ د محاسبې مسلکي غړی او د شهیدانو ورثه ؤ او معلولینو د حساباتو د تطبیق مدیریت) لپاره د یوې شفافې پروسې په ترڅ کې په آنلاین بڼه ازموینه واخیستل شوه.
