د کار او ټولنیزو چارو وزارت کې معلولیت لرونکو هېوادوالو ته د کاري فرصتونو د ایجاد په موخه ناسته وشوه
د کار او ټولنیزو چارو وزارت د کار چارو معین الحاج مولوي محمد زاهد احمدزي په مشرۍ او د شهیدانو او معلولینو چارو وزارت، د ښاروالۍ او د ښاروالیو د انسجام ریاست د استازو په حضور؛ د معلولیت لرونکو هېوادوالو ستونزو او هغوی ته د کاري فرصتونو د ا یجاد په موخه د همغږۍ ناسته جوړه شوه.
د کتنې په پیل کې د شهیدانو او معلولنیو چارو وزارت استازي په هېواد کې د معلولینو د عمومي وضعیت، شمېر، ستونزو، په مختلفو ادارو کې د کاري فرصتونو د ایجاد او دوی ته په اړوندو برخو کې د ګټورو خدماتو او لازمو سهولتونو برابرولو په اړه هر اړخیز معلومات شریک شول.
ورپسې د کار چارو معین الحاج مولوي محمد زاهد احمدزي په خپلو خبرو کې د یادو ادارو د فعالیتونو څخه د مننې سربېره وویل: د افغانستان اسلامي امارت تل په دې هڅه کې دی، چې خپل کړېدلي ولس ته په مختلفو برخو کې د غوره ژوندانه سهولتونه برابر کړي، د دوی ستونزو ته رسېدنه او لاسنیوی یې وکړي.
د کار چارو معین همدا راز زیاته کړه: د کار او ټولنیزو چارو وزارت ژمن دی، چې دې اړمن قشر ته د کاري فرصتونو برابرولو په برخه کې لازمې اسانتياوې برابرې کړي
