د ميدان وردګو ولایت د شهيدانو او معلولینو چارو رئيس له یوه تن ټپي یتیم سره د درملنې په موخه پنځلس زره (۱۵۰۰۰) افغانۍ مرسته وکړه
یاد یتیم چې مدثر نومیږي د میدان وردګو ولایت د یو تن شهید زوی دی چې د یوې ټرافيکي پيښې له امله سخت ټپي شوی، او د کابل ولایت په یوه روغتون کې تر جدي درملنې لاندې دی.
د میدان وردګو ولایت د شهيدانو او معلولینو چارو رئيس محترم مولوي محمد نذیر ابو محمد د نوموړي یتیم د عیادت تر څنګ پنځلس زره (۱۵۰۰۰) افغانۍ د نغدي مرستې په توګه د نوموړي یتیم کورنې ته ورکړې.
د یادې مرستې پر مهال د میدان وردګو ولایت د شهيدانو او معلولینو چارو رئيس نوموړي یتیم ته د خدای جل جلاله له دربار څخه د روغ صحت استدعا وکړه.
