د معلولیت لرونکو وګړو لپاره به د کارموندنې طرحه بډايه شي
د معلولیت لرونکو وګړو لپاره به د کارموندنې طرحه بډايه شي
نن شنبه د وري په ۱۴مه، د شهیدانو او معلولینو چارو وزارت د پروګرامونو او همغږۍ مرستيالې صبرۍ اندړ په مشرۍ د معلولیت لرونکو وګړو لپاره د کارموندنې طرحې د بډاينې په موخه مشورتي ناسته وشوه.
اغلې اندړ، په دولتي او غیر دولتي ادارو کې د معلولیت لرونکو وګړو د ګومارنې په تړاو وويل: د شهیدانو او معلولینو چارو وزارت د جلالتماب رئيس جمهور له لارښوونې سره سم د معلولیت لرونکو وګړو لپاره د کارموندنې طرحه او پلان چمتو کړی، کوم چې په دولتي او غيردولتي بنسټونو کې به د معلوليت لرونکو وګړو په ګومارنه کې د پاموړ اسانتياوې رامنځته کړي.
اغلې اندړ زیاته کړه، چې ياده طرحه يې د جمهوري رياست د چارو له اداري سره شريکه کړې او د پياوړتيا او بډایه کولو لپاره يې ګډې هڅې روانې دي.
آغلې اندړ د وزارت اړونده چارواکو ته لارښوونه وکړه، چې د معلولينو د کارموندنې طرحه بياځلې وګوري او په تړاو يې ورسره د سمونې په پار رغوونکي نظرونه شريک کړي.
