د شهیدانو ورثې او معلولیت لرونکو وکړو لپاره دې پاملرنه زياته شي

sadiq_admin
پنجشنبه ۱۴۰۰/۳/۲۰ - ۸:۴۴
d

د شهیدانو ورثې او معلولیت لرونکو وکړو لپاره دې پاملرنه زياته شي

د شهیدانو او معلولینو چارو سرپرست وزیر پوهنمل حمیدالله فاروقی په داسې حال کې، چې د برنامو او همغږۍ چارو مرستیالې صبرۍ اندړ یې ملتیا کوله، د مشرانو جرګې د شهیدانو وارثینو او معلولیت لرونکو وګړو د چارو کمېسیون په ناسته کې ګډون وکړ.

ښاغلي فاروقي په ناسته کې د وزارت د ترسره کړو فعالیتونو، اصلاحاتو، سیستم جوړونې او فساد سره د مبارزې په اړه معلومات وړاندې کړه وویل، چې د معلولیت لرونکو وګړو او د شهیدانو ورثې د حقوقو ورکړې تر څنګ، د دوی د ژوند د ښه والي په موخه په بېلابېلو برخو کې بنسټیز کارونه ترسره شوي، چې پایله به یې په نږدې وختونو کې محسوسه او د حساب وړ وي.

ښاغلي فاروقي د وزارت له برنامو څخه د ملاتړ په موخه د ولس د استازو د هر اړخیز ملاتړ غوښتنه هم وکړه.

ورپسې د برنامو او همغږۍ مرستیالې آغلې صبرۍ اندړ د قانون تعدیل، د معلولیت ملي اسټراتيژۍ جوړول، ملي او نړیوالو بنسټونو ترمینځ همغږي رامینځته کول د ادارې له اساسي کارونو څخه وګڼل.

همدا راز آغلې اندړ د وزارت د تشکيل د کمښت يادونه وکړه او هيله يې وکړه، چې په مرکز او ولايتونو کې پر وخت د خدمتونو ترسراوي په پار دې د وزارت تشکيلات پراخ شي.

د یاد کمیسیون رئیس ښاغلي ډاکټر محمد آجان منګل او منشي آغلې شاه بي بي کاموي د شهیدانو وارثینو او معلولیت لرونکو وګړو ستونزې او غوښتنې د وزارت له مشرتابه سره شریکې کړې او د حل غوښتنه یې وکړه.

ښاغلي منګل یاد وزارت د معلولیت لرونکو وګړو او د شهیدانو ورثې د ملاتړ لپاره مهم وباله، ترسره شوي فعالیتونه یې وستایل او د نورې پراختیا هیله یې هم څرګنده کړه.

ښاغلي منګل زياته کړه، چې معلولین او د شهیدانو وارثین د ټولنې ستر او مهم قشر دی او دې قشر ته باید پاملرنه زياته شي.

تازه خبرونه

پنجشنبه ۱۴۰۰/۴/۳ - ۸:۴۴
Background image

په جينوا کنفرانس کې د کړو ژمنو د پلې کولو په تړاو تعقيبي ناسته وشوه

نن چهارشنبه د چنګاښ په دويمه، د شهيدانو او معلولينو چارو وزارت رهبري هييت په جينوا کنفرانس کې د افغان حکومت له لوري د شويو ژمنو او د وزارت اړوند برخو کې د يادو ژمنو د پلې کولو په تړاو. . .

چهارشنبه ۱۴۰۰/۴/۲ - ۹:۵۸
Background image

تدارکاتي چارې د چټکې او پروژې د پر وخت پلې شي

د شهيدانو او معلولينو چارو سرپرست وزير پوهنمل حميدالله فاروقي په مشرۍ د وزارت رهبري هييت ناسته وکړه او د تدارکاتي چارو د چټکتيا پر څرنګوالي، په سمه توګه د بودجې مصرفولو او د پروژو پر. . .

سه‌شنبه ۱۴۰۰/۴/۱ - ۱۲:۲
Background image

د معلولیت ملي ستراتیژۍ مسوده باندې بحث وشو

د شهیدانو او معلولینو چارو سرپرست وزير پوهنمل حمیدالله فاروقي په مشرۍ په جوړه شوې غونډه کې، د معلولیت ملي ستراتیژي (2020-2030) باندې بحث وشو.

BACK TO NEWS