د شهیدانو او معلولینو چارو وزارت یتیمانو، کونډو او معلولینو ته د خوراکي توکو د چمتو کولو په موخه د احساس خیریه مؤسسې سره هوکړه لیک لاسلیک کړ
یاد هوکړه لیک چې د شهیدانو او معلولینو چارو وزارت د بهرنيو اړیکو او پلان رئیس محترم ملا صدوخان حق شناس او د احساس خیریه مؤسسې مسؤل محترم روح الله صاحبزاده ترمنځ لاسلیک شو، پر اساس به یې، د هرات ولایت اړوند (۵۰) تنو یتیمانو، کونډو او معلولینو ته د خوراکي توکو مرستې چې په هغه کې غوړي، وریجې او نور مواد شامل دي، چمتو او ووېشل شي.
د یادونې وړ ده، چې د یادې پروژې د پلي کیدو چارې به د هرات ولایت د شهیدانو او معلولینو چارو ریاست سره په همغږۍ پر مخ یوړل شي.
