د شهیدانو او معلولینو چارو وزارت سرپرست وزیر د افغان آسیا هلال خیریه مؤسسې له مشر سره وکتل.

nasrat_admin
چهارشنبه ۱۴۰۲/۳/۱۷ - ۱۵:۵۷
mmd

د شهیدانو او معلولینو چارو وزارت سرپرست وزیر ښاغلي ملا عبدالمجید آخند د افغان آسیا هلال خیریه مؤسسې له مشر ښاغلي اوغور سره  په خپل  کاري دفتر کې وکتل. په دې کتنه کې د شهیدانو او معلولینو چارو وزارت مالي او اداري چارو عمومي رئیس ښاغلي مولوي کلیم الله افغان، د یاد وزارت د دفتر رئیس ښاغلي قاري شاه محمد دوست،  د بشري سرچینو رئیس ښاغلي مولوي محمد موسی صدیقي، د یتیمانو او معلولینو پالنې مرکز رئیس ښاغلي مولوي صدو خان او د یاد وزارت د اطلاعاتو او عامه اړیکو مسؤل ښاغلي مفتي فیصل خاموش هم ګډون درلود.

په پیل کې د افغان آسیا هلال خیریه مؤسسې مسؤلینو د یتیمانو او معلولینو لپاره د حرفوي زده کړو د مرکز د جوړولو په اړه هر اړخیز معلومات وړاندې کړل او زیاته یې کړه: د یاد شوي حرفوي زده کړو مرکز له جوړېدو څخه موخه یتیمانو او معلولینو ته د دیني، عصری او حرفوي زده کړو د زمینې برابرول او همداراز د یتیمانو ساتنه او پالنه ده.

په دې کتنه کې د شهیدانو او معلولینو چارو وزارت سرپرست وزیر ښاغلي ملا عبدالمجید آخند د یتیمانو او معلولینو لپاره د حرفوي زده کړو د مرکز د جوړولو په اهمیت خبرې وکړې او زیاته یې کړه: د یتیمانو او معلولیت لرونکو وګړو  لپاره د حرفوي زده کړو د مرکز جوړول د خدمت کولو یو ښه ګام دی او د شهیدانو او معلولینو چارو وزارت په دې برخه کې هر اړخیزې همکارۍ ته ژمن دی.

همدارنګه په دې کتنه کې د شهیدانو او معلولینو چارو وزارت مالي او اداري چارو عمومي رئیس ښاغلي  مولوي کلیم الله افغان د حرفوي زده کړو د مرکز د جوړولو د څرنګوالي په اړه خبرې وکړې او زیاته یې کړه: د حرفوي زده کړو د مرکز په جوړېدو سره به ډیری  یتیمان او معلولین وکولای شي د حرفوي زده کړو له زده کړې وروسته د خپلو کورنیو اقتصادي ستونزې هوارې او د هغوی لاسنیوی وکړي.

نوموړي همداراز زیاته کړه: د شهیدانو او معلولینو چارو وزارت تر رهبرۍ لاندې به د حرفوي زده کړو د مرکز د جوړولو ځای، د روزنې څرنګوالي او مدیریت په موخه یوه کمېټه جوړه شي، تر څو د یاد حرفوي مرکز چارې په سمه توګه ترسره شي.

همدارنګه په دې کتنه کې د شهیدانو او معلولینو چارو وزارت د دفتر رئیس ښاغلي قاري شاه محمد دوست هم خبرې وکړې او ویې ویل، یاد شوي حرفوي زده کړو مرکز باید د مالي امکاناتو له مخې په سمه توګه تمویل شي، تر څو یتیمانو او معلولینو ته په ښه توګه د حرفوي زده کړو زمینه برابره او له زده کړو وروسته ددې وړتیا پیدا کړي چې د خپلې کورنۍ اقتصادي ستونزې هوارې کړای شي.

د یادونې وړ ده چې په یاد شوي حرفوي زده کړو مرکز کې به (۴۰۰ ) تنه یتیمان او معلولین د حرفوي زده کړو تر څنګ دیني او عصري زده کړې هم وکړي.

تازه خبرونه

سه‌شنبه ۱۴۰۴/۴/۱۷ - ۱۰:۹
Background image

په غزني ولایت کې پر یو شمېر یتیمانو باندې زرنج نقليه وسایط ووېشل شول

د غزني ولایت د شهیدانو او معلولینو چارو ریاست، د نصیر خیریه بنسټ په مالي ملاتړ، لسو (۱۰) تنو یتیمانو ته د زرنج نقلیه وسایط ووېشل.

یاد پروګرام د یتیمانو د اقتصادي پیاوړتیا او ځان‌. . .

دوشنبه ۱۴۰۴/۴/۱۶ - ۹:۶
Background image

د غزني ولایت د شهیدانو او معلولینو چارو ریاست له لوري د (HHRD) مؤسسې فعالیتونه وستایل شول

د غزني ولایت د شهیدانو او معلولینو چارو رئیس محترم ملا عبدالحکیم دانش چې د‌ ټولنیزو خدمتونو مدير محترم نصرت الله پتمن يې ملتيا کوله، په ياد ولایت کې د یتیمانو او معلولیت لرونکو وګړو. . .

یکشنبه ۱۴۰۴/۴/۱۵ - ۹:۱۸
Background image

په ننګرهار ولايت کې پر (۲۰۰) تنو مستحقو یتیمانو باندې مرستې ووېشل شوې

د ننګرهار ولايت د شهیدانو او معلولینو چارو رياست د (HHRD) خيريه مؤسسې سره په همغږۍ د یاد ولایت اړوند پر (۲۰۰) تنو مستحقو یتیمانو باندې مرستې چې په هغه کې اوړه، غوړي او ځینې نور خوراکي. . .

BACK TO NEWS