د شهیدانو او معلولینو چارو وزارت د یو پلاوي له لوري په کندز ولایت کې د فدایانو له کورنېو سره نغدي مرستې ترسره شوې
د شهیدانو او معلولینو چارو وزارت د دعوت او ارشاد رئیس محترم مفتي عبدالاحد مسعود په مشرۍ یوه پلاوي، چې د دې وزارت د مالي او حسابي چارو رئیس محترم مولوي محمد امین دروېش، د کندز ولایت د شهیدانو او معلولینو چارو رئیس محترم مولوي نقیب الله سنان، د خاصو شهیدانو آمر محترم مولوي محمد او د خاصو شهیدانو آمریت د محاسبې عمومي مدیر محترم زاهدالله میاخیل یې ملتیا کوله، د کندز ولایت د مرکز په شمول په خان آباد، امام صاحب، دشت ارچي او ځینو نورو ولسوالېو کې د (۴۷) فدايانو کورنیو سره له نږدې وکتل.
په دې لیدنه کې، یاد پلاوي د فدايانو د کورنیو ستونزې او غوښتنې واوریدې او هرې کورنې سره یې د (۱۵۰۰۰) افغانېو نغدي مرستې ترسره کړې.
د یادونې وړ چې د شهیدانو او معلولینو چارو وزارت پلاوي تر دې وړاندې په بدخشان او تخار ولایتونو کې هم د یو شمېر فدایانو کورنېو سره له نږدې کتلي وو، او هغوی سره یې ورته مرستې ترسره کړې وې.
