د شهیدانو او معلولینو چارو وزارت د روژې مبارکې میاشتې د رارسیدو په مناسبت د شهیدانو ورثه ؤ او معلولینو ته د خوراکي توکو د چمتو کولو په موخه د (HHRD) خیریه مؤسسې سره هوکړه لیک لاسلیک کړ

یاد هوکړه لیک د شهیدانو او معلولینو چارو وزارت د بهرنېو اړیکو او پلان رئیس محترم ملا صدوخان حق شناس او د (HHRD) خیریه مؤسسې سوپروایزر محترم عبیدالله احمدي تر منځ لاسلیک شو چې د یاد هوکړه لیک له مخې به دوه زره (۲۰۰۰) تنو د شهیدانو وارثینو او معلولینو ته خوراکي توکي چې په هغه کې اوړه، وریجې، غوړي، بوره، لوبیا، خُرما، چای او مالګه شامل دي په دایکندي، کندز، نورستان او ننګرهار ولایتونو کې به یادو مستحقو وګړو ته وویشل شي.

د يادونې وړ ده چې د دې پروژې ټوليز ارزښت لس میلیونه اته لکه او پنځلس زره (۱۰۸۱۵۰۰۰) افغانۍ دى