د شهیدانو او معلولینو چارو وزارت د  مالي او اداري چارو لوی ریاست سرپرست معرفي شو

farahmand_admin
سه‌شنبه ۱۴۰۰/۵/۱۹ - ۹:۱۶
معرفی

د شهیدانو او معلولینو چارو سرپرست او نوماند وزیر، پوهنمل حمیدالله فاروقي، د ملي شورا  استازو، د ولسمشر سلاکارانو، د دولتي ادارو او نړیوالو موسساتو استازو، د وزارت د رهبري شورا هییت غړو کارکونکو په شتون کې  ښاغلی ضیاالحق فضلي د مالي او اداري چارو لوی ریاست د سرپرست په توګه معرفي کړ.

ښاغلي فاروقي هیله څرګنده کړه چې په دولتي دفترونو کې د ځوانانو او متخصصو کدرونو په جذبولو سره، د ښې حکومتولۍ بهیر به ښه او اغېزمن شي او هیوادوالو ته به پر وخت خدمات وړاندې شي. هغه زیاته کړه چې متخصص کدرونه له قانون او سیسټمونو سره یوځای د پرمختګ لپاره یو اغېزمن فاکتور دی او کولی شي وضعیت ښه کړي.

د شهیدانو او معلولینو چارو سرپرست او نوماند وزیر وویل: د شهیدانو وارثین او معلولین هغه وګړي دي چې ملي حاکمیت او ملي ارزښتونو څخه یې په مېړانه دفاع کړې او موږ ټول مسولیت لرو چې د دوی ملي او قانوني حقوق ورکړو.

 

ښاغلي فاروقي ژمنه وکړه، موږ د شته امکاناتو په درلودلو سره د شهیدانو وارثینو او معلولیت لرونکو وګړو ته د ژوند د ښه کولو او هر اړخیز امکاناتو برابرولو لپاره ګډ کار او هڅې کوو.

عمرا خان منیب او مولوي محمد سردار ځدراڼ د ولسمشر سلاکاران او په ولسي جرګه کې د خلکو استازي خالد اسد هم خبرې وکړې او په دولتي دفترونو کې د ځوانانو ګمارنې لپاره یې هیله څرګنده کړه او ټینګار یې وکړ چې د ځوانانو ظرفیت او انرژي د خدماتو ننګونو او ستونزو د حل کولو لپاره دې ګټه ترې واخیستل شي. همدارنګه دوی  په یووالي او همغږۍ ټینګار وکړ او په ټولو یې غږ وکړ چې په اوسني وضعیت کې د هېواد د امنیتي او دفاعي ځواکونو ترڅنګ ودرېږي.

په پای کې، د مالیي او اداري چارو لوی ریاست سرپرست ښاغلي ضیاالحق فضلي خبرې وکړې او ژمنه یې وکړه چې د فساد سره د مبارزې لپاره د وزارت هڅو ته دوام ورکوي، برېښنایي خدمتونه او د شهیدانو وارثانو او معلولیت لرونکو وګړو ته به پر وخت د هغوی حقوق ورکړل شي.

تازه خبرونه

پنجشنبه ۱۴۰۰/۵/۲۱ - ۹:۶
Background image

د مالي او اداري چارو لوی رییس د وزارت د مالي او اداري چارو پر چټکتیا، روڼتیا او همغږۍ تاکید وکړ

د شهیدانو او معلولینو چارو وزارت د مالي او اداري چارو لوی رییس ښاغلي ضیاالحق فضلي د مالي او اداري چارو د لوی ریاست مسولینو او کارکوونکو سره د یوې تعرفي ناستې پر مهال د مالیي او اداري. . .

سه‌شنبه ۱۴۰۰/۵/۱۹ - ۹:۱۶
Background image

د شهیدانو او معلولینو چارو وزارت د  مالي او اداري چارو لوی ریاست سرپرست معرفي شو

د شهیدانو او معلولینو چارو سرپرست او نوماند وزیر، پوهنمل حمیدالله فاروقي، د ملي شورا  استازو، د ولسمشر سلاکارانو، د دولتي ادارو او نړیوالو موسساتو استازو، د وزارت د رهبري شورا هییت غړو. . .

سه‌شنبه ۱۴۰۰/۵/۱۹ - ۹:۷
Background image

د رهبري شورا فوق العاده غونډه ترسره شوه

د وزارت د رهبري شورا فوق العاده غونډه د شهیدانو او معلولینو چارو سرپرست او نوماند وزیر پوهنمل حمیدالله فاروقي په مشرۍ جوړه شوه، په دې غونډه کې د شهیدانو وارثینو او معلولیت لرونکو وګړو. . .

BACK TO NEWS