د شهيدانو او معلولينو چارو په وزارت کې په دوه سوه او پنځوس (۲۵۰) تنو مستحقو یتیمانو باندې مرستې ووېشل شوې
د شهیدانو او معلولینو چارو وزارت د HHRD خیریه مؤسسې په همکارۍ په دې وزارت کې پر (۲۵۰) تنو مستحقو یتیمانو باندې مرستې چې په هغه کې اوړه، وریجې، غوړي، نور خوراکي مواد او همدارنګه د یتیمانو لپاره د حفظ الصحې توکي شامل وو، په منظم او شفاف ډول ووېشل.
یادې مرستې د شهيدانو او معلولينو چارو وزارت د نشراتو آمر محترم حافظ محمد یعقوب عبیده، د HHRD خیریه مؤسسې رئیس محترم انجنیر عبیدالله فیصل او د دې وزارت د ټولنیزو خدمتونو د تنظیم رياست، څارنې او ارزونې ریاست د استازیو په شتون کې ووېشل شوې.
د مرستو د وېش پر مهال د څلورو تنو یتیمانو لپاره چې نومونه یې د قرعه کشۍ له لارې انتخاب شول، دوه تنو اناثیه یتیمانو ته د خیاطۍ ماشینونه او همداراز دوو تنو ذکور یتیمانو ته بایسکیلونه ورکړل شول.
د یادونې وړ ده چې تېره ورځ هم د یادې مؤسسې له لوري په کابل ولايت کې (۲۰۰) تنو مستحقو یتیمانو سره ورته مرستې ترسره شوې وې.
