د شهيدانو او معلولينو چارو وزير پوهنمل حمیدالله فاروقی او ورسره مل پلاوي نورستان ولايت ته سفر وکړ
د شهيدانو او معلولينو چارو وزير پوهنمل حمیدالله فاروقی او ورسره مل پلاوي نورستان ولايت ته سفر وکړ
د شهيدانو او معلولينو چارو وزير، پوهنمل حمیدالله فاروقی د ولايتي سفر په ترڅ کې، د نورستان ولايت ته سفر وکړ او د نورستان له والي ښاغلي عبدالغفور ملکزي سره يې د شهيدانو او معلولينو د حقوقو او امتيازاتو د ورکړې او د خدمتونو د ارایه کولو په تړاو ناسته وکړه.
په دغه ناسته کې له ښاغلي فاروقی سره د معلولینو په چارو کې د ولسمشر سلاکار عمرا خان منیب او د نورستان د ولایتي ادارې یو شمیر رییسانو هم ګډون درلود.
ښاغلي فاروقی د شهيدانو وارثينو او معلوليت لرونکو وګړو ته د حقوقو او امتيازاتو د ورکولو په برخه کې د اسانتياوو را منځته کولو او بانکي سازۍ په هکله خپل وړاندېزونه، غوښتنې او لارښونې د نورستان له محترم والي سره شريکې کړې.
د نورستان والي ښاغلي عبدالغفور ملکزي له ښاغلي فاروقي او ور سره مل پلاوي څخه مننه وکړه، چې د نورستان جګړو ځپلو ولسونو د ستونزو د هوارېدو په پار يې دغه ولايت ته سفر کړی او د شهيدانو وارثينو او معلوليت لرونکو وګړو ته د امتيازاتو د ورکړې پروسې او د اسنادونو د څیړنو بهير د چټکتيا په تړاو يې له خپله اړخه د پوره همکارۍ ډاډ ورکړ او د ستونزو هواري لپاره يې د يو منظم ميکانيزم جوړيدل مهم وګڼل.
