د شهيدانو او معلولينو چارو سرپرست وزير د پيامبر اعظم د پياوړتيا مرکز کارکوونکو سره وکتل
د شهيدانو او معلولينو چارو سرپرست وزير د پيامبر اعظم د پياوړتيا مرکز کارکوونکو سره وکتل
نن چهارشنبه د کب په ۶مه، د شهيدانو او معلولينو چارو سرپرست وزير پوهنمل حمیدالله فاروقي د پيامبر اعظم پياوړتيا مرکز له کارکوونکو سره ليدنه وکړه او د ياد مرکز په تړاو يې د هغوی ستونزې، غوښتنې او وړانديزونه واوريدل.
د ناستې په پيل کې د مرکز مسوولينو ښاغلي فاروقي ته د نوي مسووليت مبارکي وويله او په چارو کې يې ورته د بريا هيله وکړه.
همدارنګه هر يوه د پيامبر اعظم د پياوړتيا روغتيايي مرکز د وضعيت د ښه والي، پرمختګ او خدمتونو د پراخولو په هکله د وزارت له مشرتابه سره خپل وړاندیزونه، لاسته راوړنې، ستونزې او غوښتنې شريکې کړې.
د شهيدانو او معلولينو چارو سرپرست وزير پوهنمل حميدالله فاروقي، د دوی د راتګ او نوي مسووليت د مبارکۍ له امله مننه وکړه او ژمنه يې وکړه، چې پيامبر اعظم پياوړتيا مرکز د ښه والي او پراختيا لپاره به له شته امکاناتو په ګټنې لازم اجراات وکړي.
ښاغلي فاروقي ددې مرکز د پياوړتيا په موخه له روغتيا وزارت سره په ګډې همکارۍ او همغږۍ زياتولو ټينګار وکړ.
د ښاغلي فاروقي په خبره، چې د پيامبر اعظم پياوړتيا روغتيايي مرکز کې به د ظرفيتونو لوړولو لپاره کار وکړي او په دې تړاو په کور دننه او بهرنيو هېوادونو کې د جوړيدونکو کنفرانسونو لپاره به ډاکترانو ته د ګډون زمينې برابرې کړي، څو وتوانېږو چې د معلولينو لپاره ځوابويونکی او په اوسنۍ ټکنالوژۍ سمبال روغتيايي مرکز څښتنان شو.
