د روژې مبارکې میاشتې د رارسېدو په مناسبت د شهیدانو او معلولینو په چارو کې د دولت وزیر ښاغلي لعل الدین آریوبي پیغام
د روژې مبارکې میاشتې د رارسېدو په مناسبت د شهیدانو او معلولینو په چارو کې د دولت وزیر ښاغلي لعل الدین آریوبي پیغام
د روژې د مبارکې، بختورې او برکتي میاشتې د رارسېدو له کبله د نړۍټولو مسلمانانو په ځانګړي ډول د افغانستان اسلامپاله ملت ته تبریکي وایم.
روژه د عباداتو، ګناهونو بخښل کېدو، خدای ج او رسول الله مبارک ته د نږدې کېدو میاشت ده.
سږ کال دغه مبارکه میاشت داسې مهال راغله، چې نړۍ د کرونا وژونکي ویروس خطرناکو څپو په سر اخیستې او ټولې چارې یې ټکنۍ کړې دي. د نورو هېوادوالو تر څنګ یې د شهیدانو کورنۍ او معلولیت لرونکي وګړي هم ډېر اغېزمن کړي دي، ځکه د دوی اقتصاد کمزوری او د ګټې وټې لارې چارې یې په نشت حساب دي.
د ثواب، اجر ګټلو او ټولنیز مساوات ساتنې په دغه مبارکه میاشت کې د هېواد له ټولو سوداګرو، خیریه بسټونو او شتمنو څخه هیله کوم، چې ټولو بېوزلو په ځانګړې توګه د شهیدانو کورنیو او معلولیت لرونکو وګړو سره مرستې وکړي.
د شهیدانو او معلولینو په چارو کې د دولت مسولین چمتو دي، چې د دغو مرستو په مدیریت او وېش کې همکاري وکړي.
