د رهبري شورا فوق العاده غونډه ترسره شوه
وزارت د رهبري شورا فوق العاده غونډه د شهیدانو او معلولینو چارو سرپرست وزیر ملا عبدالمجید اخوند په مشرۍ جوړه شوه، په دې غونډه کې د ټولو ریاستونو کاري پلان، ګزارش او لومړيتوبونه واورېدل شول.
د غونډې په پیل کې د شهیدانو او معلولینو چارو سرپرست وزیر، ملا عبدالمجید اخوند د شهیدانو وارثین او معلولین یې د ټولنې اغېزمن وګړي وګڼل.
د غونډې په لړ کې د معلولینو او یتیمانو د ظرفیت لوړونې په اړه بحث او خبرې وشوې. او همدارنګه د معلولیت ملي سټراټیژي دې د افغانستان اسلامي امارت د اصولو په بنسټ جوړه شي او د تصویب لپاره دې ریاست الوزرا ته وړاندې شي.
په نننۍ غونډه کې د معلولیت د نړیوالې ورځ (3 ډسمبر) د تجلیل پر څرنګوالي خبرې اترې وشوې.
