د بغلان ولایت د شهیدانو او معلولینو چارو په ریاست کې اداري غونډه ترسره شوه
د چارو د لاښه والي په موخه، د بغلان ولایت د شهیدانو او معلولینو چارو رئيس محترم ملا احسان الله عابد په مشرۍ اداري غونډه ترسره شوه، په یاده غونډه کې د اړوندو برخو کارکوونکو ګډون کړی وو.
په دې غونډه کې محترم ملا احسانالله عابد د اداري نظم پر ارزښت، د بېلابېلو څانګو ترمنځ د اغېزمنې همغږۍ پر رامنځته کولو، د شهیدانو ورثه وو او معلولینو چارو ته د لا ښې رسېدګۍ او په ځینو نورو مهمو موضوعاتو باندې خبرې وکړې.
محترم ملا احسان الله عابد له ټولو کارکوونکو وغوښتل چې ورسپارل شوې دندې په پوره ژمنتیا او اخلاص سره ترسره کړي.
په دې غونډه کې د مراجعینو سره د نېک چلند، د چارو د چټکتیا او اسانتیا په برخه کې کارکوونکو ته لازمې او ارزښتمنې سپارښتنې وشوې، همداراز د کارکوونکو د صادقانه او نه ستړې کېدونکو هڅو قدرداني وشوه.
