د اهل هنودو هېوادوالو پر عبادتځای د برید قربانیانو کورنیو ته د کلنیو حقوقو ورکړې کتابچې ورکول کیږي
د اهل هنودو هېوادوالو پر عبادتځای د برید قربانیانو کورنیو ته د کلنیو حقوقو ورکړې کتابچې ورکول کیږي
د شهیدانو او معلولینو په چارو کې د دولت وزارت تخنیکي مرستیالې جمیلې نورستانۍ د اهل هندو هېوادوالو پر عبادتځای د برید د قربانیانو وارثینو سره وکتل.
په دې کتنه کې د یادو کورنیو غړو ته یو ځل بیا د وزارت مد رهبرۍ د خواشینۍ او تسلیت مراتب وړاندې او د هر اړخیزې همکارۍ ډاډ ورکړل شو.
مېرمن نورستانۍ د قربانیانو کورنیو ته د حقوقو ورکړې کتابچو جوړولو د قانوني پړاونو په اړه معلومات هم وړاندې کړه او اړوندو ریاستونو ته یې لارښوونه وکړه، چې ژر تره ژره د قربانیانو د وارثینو لپاره د کتابچو د ورکړې قانوني پړاونه بشپړ کړي.
د یادونې وړ ده، چې د دې پېښې د نورو قربانیانو کورنیو ستونزو ته به هم رسېدنه وشي.
