د ارزګان ولايت د شهيدانو د ورثې او معلولينو اړوند چارې به چټکې شي
د ارزګان ولايت د شهيدانو د ورثې او معلولينو اړوند چارې به چټکې شي
د شهيدانو او معلولينو په چارو کې د دولت وزير لعل الدين آريوبي د ارزګان والي محمد عمر شېرزاد سره وکتل.
د ارزګان والي د یاد ولایت د نظامي او ملکي شهيدانو د ورثې او معلولینو په حقوقو کې د ځنډ، اسنادو او وثیقو د څېړنې او برېښنایي تذکرو په اړه خبرې وکړې او یادو برخو کې یې د بېړنیو اقداماتو غوښتنه وکړه.
ښاغلي لعل الدين اريوبي له والي مننه وکړه، چې د ارزګان د شهيدانو ورثې او معلولينو اړوند مسایل یې شریک کړه.
ښاغلي آريوبي وويل: ارزګان جګړه ځپلی ولایت دی، د شهيدانو د ورثې او معلولينو د اسناد او وثیقو څېړنه به یې ژر بشپړه شي، د برېښنا تذکرو د وېش بهیر به یې چټګ او یاد قشر ته به یې حقوق پر وخت ورسیږي. زياته یې کړه: شهیدانو د ورثې او معلولینو د ستونزو، غوښتنو او وړاندیزونو اورېدو په موخه به نږدې راتلونکي کې دغه ولايت ته سفر وکړي.
ښاغلي آريوبي څرګنده کړه، چې د ځمکو او ښارجوړولو وزارت او د ښاروالۍ مسولینو سره په همغږۍ به ارزګان کې د ياد قشر لپاره اسايشګاه جوړه او د سرپناه لپاره به ورته د نومرو د وېش لړۍ هم پيل شي.
