په نهو تنو معلولیت لرونکو وګړو باندې بريښنايي ویلچرونه وويشل شول.
د ترکیې هېواد د (IHH) خیریه بنسټ د شهیدانو او معلولینو چارو وزارت سره په همغږۍ د یوې معلولې میرمنې او اته نارینه معلولینو په ګډون نهه (۹) تنو ته عصري بریښنايي ویلچیرونه وویشل.
په هغه پروګرام کې چې په همدې موخه د شهیدانو او معلولینو چارو په وزارت کې جوړ شوی وو، یاد شوي ویلچرونه د ټولنیزو خدمتونو رئیس مولوي ثناء الله فرقاني او د شهیدانو او معلولینو چارو وزارت د بشري سرچینو رئیس مولوي محمد موسی صدیقي په شتون کې د (IHH) خیریه بنسټ د مسؤل له خوا په مستحقو معلولینو باندې وویشل شول.
د يادونې وړ ده، چې ياد خیریه بنسټ له دې وړاندې هم یتیمانو او معلولينو ته د خوراکي توکو، نغدو پيسو او د ويلچيرونو په برخو کې مرستې کړې دي
