د هلمند ولایت د شهیدانو او معلولینو چارو رئیس نادعلي ولسوالۍ ته سفر وکړ
د هلمند ولایت د شهیدانو او معلولینو چارو رئیس محترم ملا صدوخان حقشناس د یوه پلاوي په ملتیا د نادعلي ولسوالۍ ته سفر وکړ او هلته یې د شهید عبدالرؤف اکا د فاتحې په مراسمو کې ګډون وکړ.
شهید عبدالرؤف اکا هغه مجاهد وو، چې د تېر شل کلن اشغال پر مهال شپږ (۶) زامن یې د صلیبي یرغلګرو پر ضد په مخامخ جګړو کې د شهادت لوړ مقام ته رسېدلي وو. نوموړی څو ورځې وړاندې د یوې ترافیکي پېښې له امله شهید شو.
محترم ملا صدوخان حقشناس د مرحوم د فاتحې په مراسمو کې د ګډون ترڅنګ، د هغه له کورنۍ سره خپله ژوره غمرازي څرګنده کړه، د شهیدانو او معلولینو چارو وزیر محترم الحاج ملا عبدالمجید آخند صاحب د تسلیت پیغام یې هغوی ته ورساوه او همدارنګه یې له کورنۍ سره یوه اندازه نغدي مرسته هم ترسره کړه.
د شهید عبدالرؤف اکا کورنۍ د محترم وزیر صاحب او د هلمند ولایت د شهیدانو او معلولینو چارو رئیس له غمشریکۍ، خواخوږۍ او همکارۍ څخه مننه او قدرداني وکړه.
