د شهیدانو او معلولینو چارو په وزارت کې د قطرالخیریه بنسټ لخوا پر درې سوه (۳۰۰) تنو معلولینو، کونډو، یتیمانو او اړمنو کسانو باندې د مرستو کڅوړې وویشل شوې
په هغه پروګرام کې چې په همدې موخه د شهیدانو او معلولینو چارو وزارت کې جوړ شوې وو، په هغې کې د شهیدانو او معلولینو چارو مرستیال ښاغلي شیخ صاحب عبدالحکیم حقاني، د یاد وزارت د ټولنیزو خدمتونو چارو رئیس ښاغلي مولوي ثنأالله فرقاني، د نوموړي وزارت د څارنې او ارزونې ریاست د پروژو د تطبیق آمر ښاغلي مولوي مطیع الله، د کابل ولایت د شهیدانو او معلولینو چارو ریاست استازي او همداراز د قطرالخیریه بنسټ ځینو مسؤلینو ګډون درلود.
د دې پروګرام په ترڅ کې د قطرالخیریه بنسټ لخوا د شهیدانو او معلولینو چارو وزارت په همغږۍ د خوراکي توکو کڅوړې چې په هغې کې ( اوړه، وریجې، غوړي، لوبیا، دال نخود، د سوجي اوړه، مکروني، بوره او چای) شامل وو، پر درې سوه تنو یتیمانو، معلولینو کونډو او اړمنو کسانو باندې وویشل شول.
