د بلخ ولايت د شهيدانو او معلولینو چارو رياست له لوري د دې ولايت اړوند مرکز او ولسوالېو کې د یتیمانو، کونډو او معلولینو سروې پیل شوه
د ۱۴۰۳ کال د رارسیدو سره سم د بلخ ولايت په مرکز او ولسوالېو کې د اسلامي امارت د شهيدانو ورثه ؤ ، د تېرې ادارې د وژل شویو عسکرو د یتیمانو او کونډو، ملکي یتیمانو او کونډو او همداراز د معلوليت لرونکو وګړو د کورونو سروې پېل شوې چې د يادې سروې په پایله کې به د یادو کسانو د تثبیت په پروسه کې پوره شفافیت او روڼتیا رامنځته شي، د شهيدانو او معلولینو چارو وزارت له طرحې سره سم به واقعي مستحقین ثبت او هغه کسان چې د وزارت طرحې او طرزالعمل مطابق نه وي هغوی به د سروې ټیم لخوا رد کړل شي او کورنېو ته به یې قناعت ورکړل شي او د سروې پایلې به د وزارت مقام سره شریکې کړل شي.
