د کابل ولایت د شهیدانو او معلولینو رئیس د افغانستان لپاره د بریتانیا ون نېشن (ONUKA) مؤسسې له رئیس سره وکتل
د کابل ولایت د شهیدانو او معلولینو چارو رئیس محترم ملا شیر محمد صمیم په خپل کاري دفتر کې د افغانستان لپاره د بریتانیا د ون نېشن (ONUKA) مؤسسې له رئیس محترم مفتي یوسف ابراهیم اکودي سره وکتل.
په دې لیدنه کې دواړو لوریو د همکاریو د پراختیا او یتیمانو، کونډو او معلولینو لپاره د لا زیاتو مرستو د برابرولو په هکله یې هر اړخیز بحث وکړ او د شهیدانو ورثه وو او معلولینو د ستونزو د حل او د هغوی د اقتصادي پیاوړتیا په موخه هم د عملي برنامو پر تطبیق خبرې وشوې.
محترم مفتي یوسف ابراهیم اکودي ژمنه وکړه چې یاده مؤسسه به د یتیمانو، کونډو او معلولینو د ستونزو د هوارولو او د هغوی د ژوند ښه کولو په برخه کې له هر ډول همکارۍ ډډه ونه کړي.
په پای کې د محترم مفتي یوسف ابراهیم اکودي له لوري یو شمېر یتیمانو سره نغدي مرسته هم ترسره شوه.
