معلولیت لرونکو مېرمنو ته باید پاملرنه زیاته شي
معلولیت لرونکو مېرمنو ته باید پاملرنه زیاته شي
د شهیدانو او معلولینو چارو وزارت د برنامو او همغږۍ مرستیالې صبري اندړ د هېواد لومړۍ مېرمنې جلالتمآب بي بي ګل رولا غني سره وکتل او د معلولیت لرونکو مېرمنو پر وضعیت یې خبرې وکړې.
آغلې صبري اندړ د معلولیت لرونکو وګړو په ځانګړي ډول معلولیت لرونکو مېرمنو او د شهیدانو مېرمنو ته د وزارت د خدمتونو وړاندې کولو د څرنګوالي، ستونزو، شته فرصتونو او حل لارو په اړه معلومات وړاندې کړه وویل: د وزارت رهبري ژمنه ده، څو د ملي او نړیوالو بنسټونو سره په مشترکه توګه د اغېزناکو برنامو په ترتیبولو سره نوي فرصتونه، اسانتیاوې او امکانات برابر او د یادو مېرمنو د ژوند د ښه والي لپاره ترې ګټه واخلي.
د هېواد لومړۍ مېرمنې جلالتمآب بي بي ګل رولا غني آغلې اندړ سره د لیدنې له کبله خوښي څرګنده کړه وویل: د ټولو معلولیت لرونکو وګړو په تېره بیا د مېرمنو د ستونزو په اړه معلومات لري. د نورو زیانمنو ښځو تر څنګ دوی ته د خدمتونو او فرصتونو برابرولو برخه کې په بشپړه توګه ژمنه ده او له ټولو ممکنو لارو چارو به کار واخلي.
آغلې اندړ د لومړۍ مېرمنې له نیت او هڅو د قدردانۍ تر څنګ معلولیت لرونکو مېرمنو ته د پاملرنې پر زیاتوالي تاکید وکړ، هیله یې څرګنده کړه، چې په دې برخه کې د ملي او نړیوالو بنسټونو سره همغږي او همکاري نوره هم پیاوړې او پراخه شي.
