د شهیدانو وارثینو او معلولیت لرونکو وګړو ټولو ټېلفوني اړیکو ته باید پر وخت ځواب وویل شي
د شهیدانو وارثینو او معلولیت لرونکو وګړو ټولو ټېلفوني اړیکو ته باید پر وخت ځواب وویل شي
د شهیدانو او معلولینو په چارو کې د دولت وزیر ښاغلي لعل الدین آریوبي د قرنطین مودې غځېدو او وزارت ته د مراجعینو پر راتګ د محدودیت له کبله د وزارت د اړیکو مرکز (کال سنټر) څخه لیدنه وکړه.
ښاغلي آریوبي په کابل او ولایتونو کې د کرونا ویروس له کبله د ګرځبندیز او اداراتو ته د مراجعینو د نه لاسرسي په تړاو د اړیکو مرکز کارکوونکو ته لارښوونه وکړه، چې د شهیدانو د کورنیو او معلولیت لرونکو وګړو ټولو ټېلفوني اړیکو ته پر وخت او سمه توګه ځواب ووایي او ستونزې او غوښتنې یې له مسولینو سره شریکې کړي. ښاغلي آریوبي د اړیکو مرکز کارکوونکو ته سپارښتنه وکړه، چې د مراجعینو د اړیکو پر وخت ځوابولو لپاره دې، منظم کاري مېکانېزم جوړ کړي، تر څو د شهیدانو د کورنیو او معلولین اړیکو ته په دوامداره او منظمه توګه رسېدنه وشي.
د شهیدانو او معلولینو په چارو کې د دولت وزارت د اړیکو مرکز ټولې چارې بشپړې شوې دي او په نږدې راتلونکي کې به مراجعینو ته د خدمتونو وړاندې کولو په موخه رسماً پرانیسل شي.
د شهیدانو کورنۍ او معلولیت لرونکي وګړي کولای شي د وزارت له مسولینو سره د خپلو ستونزو او غوښتنو د شریکولو لپاره (۷۱۷) شمېرې سره اړیکې ونیسي او وزارت ته له راتلو پرته خپلې ستونزې د ټېلفون له لارې شریکې کړي.
