د شهیدانو او معلولینو چارو وزارت او د وطن د پرمختیا او مرستو مؤسسې ترمنځ د څه باندې (۲) میلیونه افغانیو په ارزښت هوکړه لیک لاسلیک شو
د شهیدانو او معلولینو چارو وزارت د یتیمانو کورنیو د اقتصادي ملاتړ په موخه، د وطن د پرمختیا او مرستو(WRDWD) مؤسسې سره د (۲) میلیونه او (۲۰) زره افغانیو په ارزښت د همکارۍ هوکړه لیک لاسلیک کړ.
د دې هوکړه لیک پر اساس به په کنړ ولایت کې (۲۰۰) تنو مستحقو کونډو او اړمنو کورنیو ته نغدي مساعدتونه ووېشل او هره کورنۍ به (۱۰۱۰۰) افغانۍ د نغدي مرستې په توګه ترلاسه کړي.
د همکارۍ دغه هوکړه لیک د بهرنیو اړیکو، پلان او تقنین چارو رئيس محترم مولوي ثناء الله فرقاني او د وطن د پرمختیا او مرستو مؤسسې استازي محترم شمس الدین عابد ترمنځ لاسلیک شو او د کنړ ولایت د شهیدانو او معلولینو چارو ریاست سره په همغږۍ به تطبیق شي.
