په لوګر ولایت کې د حاجیانو د سهمیې د وېش په موخه قرعه کشي ترسره شوه
د لوګر ولایت د شهیدانو او معلولینو چارو ریاست له خوا د یو شمېر شهیدانو د ورثه وو لپاره د حج سهمیې د قرعه‌کشي پروسه د یاد ریاست رئیس محترم مولوي نیازمحمد هجرت او د متقاضیانو په شتون کې په شفاف ډول ترسره شوه.
محترم مولوي نیازمحمد هجرت د قرعه کشي پروسې پروسې پر اهمیت او ارزښت خبرې وکړې او په یادې پروسه کې د روڼټیا او شفافیت ډاډ ورکړ.
د قرعه کشي په پایله کې (۱۲) تنه مستحق کسان بریالي اعلان شول او نورو ګډونوالو هم د شهیدانو او معلولینو چارو له ریاست څخه د عادلانه او شفافې پروسې د ترسره کولو مننه وکړه.
