د شهیدانو د کورنیو او معلولینو ملاتړ د ټولنې د هر فرد مسولیت دی
د شهیدانو د کورنیو او معلولینو ملاتړ د ټولنې د هر فرد مسولیت دی
د شهیدانو او معلولینو چارو سرپرست وزیر پوهنمل حمید الله فاروقي د یاد وزارت پخواني وزیر لعل الدین آریوبي سره وکتل او د دومداره همکارۍ په ساتلو یې تاکید وکړ.
ښاغلي فاروقي د شهیدانو او معلولینو چارو وزارت لپاره د پخواني وزیر لعل الدین آریوبي د ترسره کړو خدمتونو د ستاینې تر څنګ د نوموړي له راتګ، سلامشورو او نېک نیت مننه وکړه.
ښاغلي آریوبي وویل: اوس هم د شهیدانو کورنیو او معلولیت لرونکو وګړو ته د خپل دیني، اخلاقي او بشري اصولو پر بنسټ ژمن دی او که د دولت په هره برخه کې وي لومړیتوب به یې دغه قشر ته د خدمتونو برابرول وي.
دواړو لوریو د همکارۍ او همغږۍ پر ساتنې او دوام تاکید وکړ او د یاد قشر ملاتړ یې د ټولنې د هر فرد دیني او انساني مسولیت وګڼه.
