معلولیت لرونکو وګړو ته شل بایسکلونه او مصنوعې اعضاوي ورکړل شوې
معلولیت لرونکو وګړو ته شل بایسکلونه او مصنوعې اعضاوي ورکړل شوې
د خوست ولایت د اورتوپیدي مرکز او د دې ولایت د شهیدانو او معلولینو چارو آمریت له خوا معلولیت لرونکو وګړو ته 20 با یسکلونه 4 د لرګي چوکۍ 10 پلاستیکي پښي 8 پلاستیکې قالبونه، 10 د پښو قالبونه جوړشوي مصنوعې اعضاوې ورکړل شوې.
د خوست عامی روغتیا ریاست مرستیال او سرپرست ډاکتر ګل محمدالدین محمدي ګډونوالو ته خبرو کې وویل: د دغه موادو د ورکړې څخه زمونږ هدف عامه پوهاوی دی تر څو خلکو ته دا پیغام ورسوو چې خوست اورتوپیدي ورکشاپ کې ټولې مصنوعي اعضاوې په وړیا ډول جوړیږي د مصنوعي اعضاوو سربیره فزیوتراپي د ماشومانو( club foot ) یا دپښو کوږوالی تداوي لپاره ټول امکانات اماده کړي نور زمونږ معلولیت لرونکې وروڼه او خویندې ضرورت نلري چې کابل ته د مصنوعي اعضاوو جوړولو لپاره ولاړشي.
غونډه کې د شهیدنو اومعلولینو چارو سرپرست آمر سید محمد "نیکزاد" دیووالي ګډ کمیسیون مشرتابه مدني ټولنو د اتحادیو مشرانو، مطبوعاتو نماینده ګانو او معلولیت لرونکو وګړو کورنیو ګډون درلود.
