په کندهار ولايت کې پر (۷۸۰) مستحقو کسانو باندې مرستې ووېشل شوې
د کندهار ولايت د شهيدانو او معلولينو چارو رياست په هڅو د یو خیریه بنسټ په مالي ملاتړ د دې ولايت نواحېو او ولسوالېو اړوند پر (۷۸۰) تنو اړمنو یتیمانو، کونډو او معلولینو باندې مرستې چې په هغه کې کمپلۍ او ژمنۍ البسه شامل وه، ووېشل شول
همداراز هغو کسانو چې مرستې یې ترلاسه کړې وې خوښي یې وښوده چې د نغدي مرستو ترڅنګ ور سره د خوراکي او غیر خوراکي توکو مرستې هم ترسره کېږي.
په ورته وخت کې د کندهار ولايت د شهيدانو او معلولينو چارو رياست مسؤلينو د یاد خیریه بنسټ له مرستو څخه مننه او هرکلی وکړ او د نورو ورته مرستو غوښتنه یې وکړه.
