د شهیدانو او معلولینو چارو په وزارت کي پر زرو اړمنو کورنيو باندې د خوراکي توکو مرستې وویشل شوی
په یادې مرستو کې چې (اوړه، وریجې، غوړي،چڼې، لوبیا، چای او بوره) شامل وو د انګستان هېواد د(UMMAH) خیریه بنسټ لخوا د شهیدانو او معلولینو چارو وزارت په همغږۍ پر زرو اړمنو کورنیو باندې وویشل شول.
د شهیدانو او معلولینو چارو وزارت د پلان او همغږۍ رئیس ښاغلي سید عظیم آغا ددغو مرستو د ویش پر مهال خبرې وکړې او له اړمنو خلکو سره د یادې خیریه موسسې له مرستو مننه وکړه. نوموړي پر نورو مرستندويه موسسو او خیریه بنسټونو هم غږ وکړ، چې له دغه اغېزمن قشر (يتيمانو او معلولیت لرونکو وګړو) سره همکاري او مرسته وکړي .همداراز د شهیدانو او معلولینو چارو وزارت د پلان او همغږۍ رئیس ښاغلي سید عظیم آغا په راتلونکي کې له هغو کسانو څخه چې د مرستو کارتونه نه لري غوښتنه وکړه چې دې وزارت ته د د مرستو د ترلاسه کولو په موخه مراجعه نه کوي څکه دا کارتونه اړمنو کورنیو ته ورکول کیږي او د شهیدانو او معلولینو چارو وزارت په پوره ډاډ سره اړمنې کورنۍ په شفاف ډول تشخیص کوي او کارتونه ورته ورکوي.
