د شهیدانو او معلولینو چارو وزارت یو پلاوي په کاپیسا او پروان ولایتونو کې د یو شمېر معلولینو سره نغدي مرستې ترسره کړې
د شهیدانو او معلولینو چارو وزارت د دعوت او ارشاد رئیس محترم مفتي عبدالاحد مسعود چې د مالي او حسابي چارو رئيس محترم مولوي محمد امین دروېش یې ملتیا کوله، کاپیسا او پروان ولایتونو ته یې د سفر پر مهال د یو شمېر معلولینو سره له نږدې وکتل، د هغوی ستونزې او غوښتنې واوریدل شوې، همداراز د معلولینو د ملاتړ او لاسنیوي په موخه له هر مستحق سره یو اندازه نغدي مرسته هم ترسره شوه.
یاده نغدي مرسته د عالیقدر امیرالمؤمنین حفظه الله تعالی د ځانګړې مهرباني او شفقت له مخې د یو شمېر هغو مجاهد معلولینو لپاره چې د تېر شل کلن اشغال پر مهال یې د خپل بدن دوه غړي له لاسه ورکړي وو، ځانګړې شوې ده.
د یادو نغدي مرستو د وېش پروسه د شفافې قرعه کشۍ له لارې تنظیم شوې ده او د هغو کسانو نومونه چې په قرعه کشي کې راوتلي دي، هغوی سره به نغدي مرستې ترسره شي.
