په پکتیکا ولایت کې پر (۱۰۰) تنو مستحقو یتیمانو باندې نغدي مرستې ووېشل شوې
د پکتيکا ولايت د شهيدانو او معلولينو چارو رياست د احساس خیریه مؤسسې سره په همغږۍ د یاد ولایت اړوند پر (۱۰۰) تنو مستحقو یتیمانو باندې نغدي مرستې ووېشلې چې هر مستحق یتیم ته لس زره (۱۰۰۰۰) افغانۍ ورکړل شوې.
د مرستو د وېش بهیر د پکتيکا ولايت د شهيدانو او معلولينو چارو رئيس محترم مولوي محمد نبي وهاج، د اقتصاد رياست استازي او د مؤسسې مسؤلينو په شتون کې په منظم ډول پر مخ یوړل شو.
محترم مولوي محمد نبي وهاج د شهيدانو کورنيو ته یې ډاډ ورکړ چې شته امکاناتو ته په کتو به، د هغوی ستونزو ته پر وخت رسيدګي وشي او د هغوی لپاره به د ژوند لازمې اسانتياوې برابرې شي.
