خبرتیا!
د شهیدانو ورثه ؤ او معلولینو د پالنې مرکز په پام کې لري چې په راتلونکي ۱۴۰۴ ه ل کال کې یتیمانو، معلولینو او همداراز د معلولیت لرونکو وګړو اولادونو ته، چې عمرونه یې د ۱۶ او ۴۰ کلونو تر منځ وي، په اووه بېلابېلو برخو کې (موبايل، موټر، موټر سایکل، جنراټور، د کورني برقي وسايلو، يخچال، کمپيوټر او د آيرکنډېشن ترمیم، همداراز د خیاطۍ حرفې ) د فني او حرفوي زده کړو پنځه میاشتني روزنیز پروګرامونه په لاره واچوي.
په شرایطو برابر کسان کولای شي چې د نوملیکنې په موخه د ۱۴۴۶/۰۹/۰۴ نېټې څخه تر ۱۴۴۶/۰۹/۲۸ ه .ق نېټې پورې ولایتي او مرکزي ریاستونو ته مراجعه وکړي.
امتیازات:
په هره میاشت کې د لارې کرایې ترڅنګ د خوراکي توکو کڅوړۍ او د یادو پروګرامونو له بشپړولو سره سم فارغ شویو کسانو ته د اړوندې حرفې وسایل او ابزار هم ورکول کیږي.
همداراز د هغو زده کوونکو کورونه چې په ولایتونو کې وي، د هغوی لپاره مجهزه لیلیه هم شتون لري.
پته: د قلعه نجارا څلور لارې- د عامې روغتیا مرکزي ورکشاپ ترڅنګ- د شهیدانو ورثه ؤ او معلولینو د پالنې مرکز – کابل
د اړیکو شمېرې: ۰۲۰۲۴۰۳۴۰۳/۰۷۰۰۰۰۴۹۵۱
