په ننګرهار ولایت کې پر شپږ سوه (٦٠٠) تنو یتیمانو خوراکي توکي وویشل شول
د لیف خیریه مؤسسې د ننګرهار ولایت د شهیدانو او معلولینو چارو ریاست سره په همغږۍ پر شپږ سوه (۶۰۰) تنو یتیمانو باندې د دې ولایت په کامې ولسوالۍ کې خوراکي توکي چې په هغه کې اوړه، غوړي، بوره، سوجي اوړه، دال او مکروني شامل وو، په شفاف ډول وویشل او همداراز یادو یتیمانو ته ژمنۍ البسه هم ورکړل شوه.
د مرستو د ویش پر مهال د ننګرهار ولایت د شهیدانو او معلولینو چارو رئیس محترم محمد صابر ځواک خبرې وکړې او زیاته یې کړه: " موږ د یتیمانو، کونډو او معلولیت لرونکو وګړو د خدمت په موخه ګمارل شوي یو، هغوی ته به د غوره خدمتونو په وړاندې کولو او د خیریه بنسټونو څخه د لا زیاتو مرستو په راجلبولو کې خپلې نه ستړې کیدونکې هڅې جاري وساتو تر څو په ښه توګه د دې اړمنو خلکو لاسنیوی وشي."
