د شهیدانو ورثه ؤ او معلولینو په مرکز کې د آسایشګاه نوی آمر معرفي او په کار یې پیل وکړ
د معرفي په غونډه کې د شهیدانو او معلولینو چارو وزارت د اداري او خدماتو رئيس محترم مولوي سردار محمد حبیب، د شهيدانو د ورثه ؤ او معلولینو د پالنې مرکز رئیس محترم ملا رحمت الله خالد، د استخدام آمر محترم الحاج محمد انور سخي زاده او همداراز د یاد ریاست کارکوونکو ګډون درلود.
محترم ملا سيد محمد آخند د شهیدانو او معلولینو چارو وزارت د لزوم دید او هدایت پر اساس د یاد وزارت د استخدام آمر محترم الحاج محمد انور سخي زاده له خوا د معلولينو د آسايشګاه د نوي آمر په توګه کارکوونکو ته وروپېژندل شو.
د شهیدانو ورثه ؤ او معلولینو د پالنې مرکز د معلولينو آسایشګاه د نوي آمر معرفي کولو په پروګرام کې د یاد وزارت د استخدام آمر محترم الحاج محمد انور سخي زاده د خپلو خبرو په ترڅ کې په اداره کې تغییر او بدلون یو اصل وګاڼه او نوي آمر ته یې په چارو کې د بریالیتوب هیله څرګنده کړه.
