د شهیدانو او معلولینو چارو وزارت کې زرو (۱۰۰۰) تنو اړمنو یتیمانو، کونډو او معلولینو د ژمنېو توکو مرستې ترلاسه کړې
یوې خیریه مؤسسې د شهیدانو او معلولینو چارو وزارت سره په همغږۍ پر زرو تنو (۱۰۰۰) یتیمانو، کونډو او معلولیت لرونکو وګړو باندې د ژمنېو توکو مرستې چې په هغه کې کمپلۍ او البسه شاملې وې، پر مستحقو کسانو باندې وویشلې.
د یادو مرستو د ویش پر مهال د شهیدانو او معلولینو چارو وزارت مرستیال محترم شیخ صاحب عبدالحکیم حقاني، د یاد وزارت د اطلاعاتو او عامه اړیکو رئیس محترم مفتي فیصل خاموش، د ټولنیزو خدمتونو د تنظیم، د څارنې او ارزونې ریاستونو کارکوونکو او د خیریه مؤسسې ځینو مسؤلینو ګډون درلود.
د شهیدانو او معلولینو چارو وزارت د اطلاعاتو او عامه اړیکو رئیس محترم مفتي فیصل خاموش د یادې مؤسسې له مرستو څخه مننه وکړه او پر نورو خیریه بنسټونو او مؤسسو یې غږ وکړ چې د دې اړمن قشر( یتیمانو، کونډو او معلولینو) سره مرسته او دهغوی لاسنیوی وکړي.
