د شهیدانو او معلولینو چارو وزارت د دعوت او ارشاد ریاست رییس معرفي شو
د رییس الوزرا د حکم پر اساس، مولوی عبدالاحد، د مالي او اداري چارو عمومي رییس مولوی کلیم الله افغان له خوا د شهیدانو او معلولینو چارو وزارت د دعوت او ارشاد د رییس په توګه معرفي شو.
ښاغلي مولوي کلیم الله افغان، مولوی عبدالاحد تکړه عالم، اغیزمن شخصیت او په دعوت او ارشاد پوه شخص وباله او هیله يې څرګنده کړه چې د شهیدانو او معلولینو چارو وزارت کې به د دعوت او ارشاد دنده په ښه توګه پر مخ یوسي.
د غونډې په پای کې مولوي عبدالاحد د شهیدانو او معلولینو چارو وزارت ټولو کارکوونکو ته ځان وروپېژانده او د دعوت او ارشاد په برخه کې یې د ښو لاسته راوړنو او د اسلامی اصولو په رڼا کې د وعظ او نصیحت لړۍ د پیل کولو او د هراړخیزې همکارۍ ډاډ ورکړ.
هغه وویل چي امر باالمعروف او نهی عن المنکر د هر مسلمان ایمانې او وجدانې دنده ده او باید په دې برخه کې ډیرې هڅې وشي.
د یادونې وړ ده چي د دعوت او ارشاد ریاست د شهیدانو او معلولینو چارو وزارت په چوکاټ کې نوی را منځته شوی او د اسلامې ارزښتونو او اسلامي اصولو او د وعظ او نصیحت دندې به پر مخ يوسي.
